पाचोरा येथील बुरहानी इंग्लिश मिडियम स्कूल चा निकाल शंभर टक्के लागला असून दरवर्षी प्रमाणे शाळेने शंभर टक्के निकालाची परंपरा कायम ठेवली आहे. महाराष्ट्र राज्य माध्यमिक व उच्च माध्यमिक शिक्षण मंडळ पुणे दहावीच्या परीक्षेचा निकाल आज ८ मे २०२६ रोजी घोषित करण्यात आला.
शैक्षणिक वर्ष २०२५-२६ वर्षासाठी इयत्ता दहावीला एकूण ९२ विद्यार्थी प्रविष्ट होते. सर्व विद्यार्थ्यांनी घवघवीत यश संपादन केले असून प्रथम क्रमांक कु. मृणाल वाणी (९७.४०%) (पाचोरा तालुक्यातून प्रथम), द्वितीय क्रमांक कु. कार्तिकेय पाटील (९४.२०%), तृतीय क्रमांक कु. ईश्वरी महाजन (९४.००%) , चौथा क्रमांक कु. यशश्री येवले (९३.४०%), पाचवा क्रमांक कु. प्रणव पाटील (९३.२०%). यांनी पटकवला आहे. तसेच एकूण ९२ पैकी ५३ विद्यार्थी विशेष श्रेणीत, ३५ विद्यार्थी प्रथम श्रेणीत, ४ विद्यार्थी द्वितीय श्रेणीत उत्तीर्ण झाले.
संस्थेचे अध्यक्ष श्री. हातीमभाई बोहरी, सचिव श्री. मोहम्मदभाई बोहरी, चेअरमन श्री. ताहेरभाई कपासी, व्हा. चेअरमन श्री. मुस्तफाभाई लाकडावाला व इतर संचालकांनी सर्व विद्यार्थी यांचे कौतुक केले. मुलांच्या या यशामागे प्रशासकीय अधिकारी श्री. बी. एन. पाटील, प्राचार्या सौ. मनीषा पाटील, उप-प्राचार्या सौ. अश्विनी सोमपुरकर तसेच सर्व शिक्षक शिक्षकेतर कर्मचारी यांनी मेहनत घेतली. तसेच संस्थेचे संचालक मंडळ यांनी मुलांच्या उज्वल भविष्यासाठी शुभेच्या दिल्या.
