४१. रंगोत्सव आयोजित चित्रकला स्पर्धेचे बक्षिस वितरणाचा कार्यक्रम संपन्न

पाचोरा येथील बुरहानी इंग्लिश मिडियम स्कूलमध्ये आज १४ नोव्हेंबर २०२५ रोजी रंगोत्सव तर्फे आयोजित विविध स्पर्धेत विशेष प्राविण्य प्राप्त केलेल्या विद्यार्थ्यांचा बक्षिस वितरणाचा कार्यक्रम पार पडला. या स्पर्धेत वर्ग १ ली ते १० वी पर्यंतचे एकूण ६०० विद्यार्थी सहभागी झाले होते.

यात एकूण १७० विद्यार्थ्यांनी विशेष प्राविण्य प्राप्त करून यांना बक्षीस, प्रमाणपत्र व मेडल देऊन सन्मानित करण्यात आले. यात चित्रकला, सुंदर हस्ताक्षर, कोलाज तयार करणे या स्पर्धा घेण्यात आल्या. तसेच संस्थेचे अध्यक्ष व सचिव यांच्या तर्फे प्राविण्य प्राप्त विद्यार्थ्यांना शुभेच्छा देण्यात आल्या .

रंगोत्सव आयोजित स्पर्धेचे बक्षिस वितरण कार्यक्रमाचे प्रमुख पाहुणे प्राईम हॉस्पिटल चे हृदयरोग तज्ञ श्री. अंकुर झवर, मेंदू आणि मज्जासंस्थेचे तज्ञ सौ. अमृता झवर, महाराष्ट्र राज्य विद्युत मंडळ सेवानिवृत्त श्री. प्रतापसिंग राजपूत तसेच संस्थेचे अध्यक्ष श्री. हातीमभाई बोहरी, सचिव श्री. मोहम्मद भाई बोहरी, चेअरमन श्री. ताहेरभाई कपासी, व्हाइस चेअरमन श्री. मुस्तफाभाई लकडावाला, न्यू बुरहानी शाळेचे व्हाईस चेअरमन श्री. मुनावर बदामी, श्री. मोहम्मद भडगाववाला, प्रशासक श्री. बी. एन. पाटील, मुख्याध्यापिका सौ. मनीषा पाटील,  पर्यवेक्षक सौ. अश्विनी सोमपुरकर, पर्यवेक्षक सौ. अस्मिता पाटील उपस्थित होते. 

Leave a Reply

Your email address will not be published. Required fields are marked *

You cannot copy content of this page